НИҚОБИНГНИ КЎРСАТ,
КИМЛИГИНГНИ АЙТАМАН...
Пандемия бошлангандан бери тилимиздан ҳам юзимиздан
ҳам “ниқоб” тушмай қолди.
Тиббий ниқоблар ўтган вақт мобайнида ҳаётимизнинг ўта
муҳим ва ажралмас парчасига айланди. Шу билан бирга, улар дид ва маданиятимизни
намоён қилувчи, ҳатто моддий имкониятларимизни кўз-кўз қилиш воситасига ҳам
айланиб улгурди.
Кимдир ниқобингизга қараб сизга баҳо берса, кимдир
ниқоб тақиш тарзингизга қараб сиз ҳақингизда хулоса чиқаради. Руҳиятшунослар
кузатувига кўра, дорихоналарда сотиладиган бир марталик оқ ёки мовий рангли
тиббий ниқобларни, асосан, ички мувозанатга эга, тартибли ва қонун-қоидаларга
риоя қилувчи инсонлар; респиратор ниқобларни мутахассислар ва ўта эҳтиёткор
инсонлар танлар экан. Кўча-куйдан ёки интернет дўконлардан сотиб олинадиган турфаранг
ва жимжимадор ниқобларни эса характери шаклланиб улгурмаган ўспиринлар ва ўз ҳаракатларини
мунтазам баҳолай олмайдиган инсонларда кўришингиз мумкин экан. Трикотаж матодан
ишлаб чиқарилган чўнтакбоп ниқобларни, асосан, тежамкор, ишчан ва вирусни унча
жиддий қабул қилмайдиган инсонлар танлар экан. Бундан ташқари, ниқоб тақиш
қоидаси ҳам жуда муҳим ҳисобланади. Маданиятли инсонлар ниқобни қоидасига
мувофиқ тақишни канда қилмайдилар. Ўзини ва бошқаларни ҳурмат қиладиган
инсонлар ниқобни маданият деб биладилар. Ниқобни даҳанига тақиб, ўзини ва
атрофидаги инсонлар соғлигини таҳликага солгувчи бепарво кимсаларнинг ички
маданияти ҳам шунга яраша бўлади.
Ёдингизда тутинг: тиббий ниқоб бир марталик, шу боис
уни такроран ишлатиш мумкин эмас. Агар ишлатиш зарур бўлса, спирт билан яхшилаб
дезинфекция қилиш керак. Ниқобдан фойдаланиб бўлгач, уни исталган жойга эмас, ахлат
қутисига ташлаш ва қўлларни яхшилаб ювиш зарур.
Ўзингизни ва яқинларингизни асраш учун ниқоб тақишни
унутманг.
Hiç yorum yok:
Yorum Gönder