ГИА ПАЧХАТАШВИЛИ

 

ГИА ПАЧХАТАШВИЛИ

Озарбайжонда туғилиб ўсган грузин шоир ва таржимон Гиа Ревазович Пачхаташвили (тахаллуси: Гиви) 1961 йил 29 январда таваллуд топган.  Озарбайжон журналистлар уюшмаси, Озарбайжон, Грузия ва Россия Ёзувчилар уюшмаси аъзоси. Шеърлари дунёнинг кўплаб тилларига таржима қилинган. 2006 йилда Самад Вурғун олтин медали билан тақдирланган.

 

ШАКИ ШАҲИДИНИНГ ТИЛИДАН

 

Эҳтиёт қил онажон,

Мен берган телефонни.

Қўнғироқ қилмасам гар,

Сақла, ёдгор бил уни.

 

Кетурман ёғийларни,

Ваҳимага солгани.

30 йилдир инграган,

Қорабоғни олгани. 

 

Ракета, ўқ, бўмбалар,

Асло қўрқитмас бизни.

Ит қувгандек қувамиз,

Она юртдан душманни.

 

Сўз бердим кетаётиб,

Қорабоғни олгани.

Жоним фидо сенга деб,

Кетдим шаҳид бўлгани.

 

Ғалабага шай эдик,

Чоғ эди димоғимиз.

Озод нафас олгани

Яқинди имконимиз.

 

Вақт топардик амаллаб,

Орзу-хаёл қургани.

Тайёр эдик эрталаб,

Қорабоғни олгани.

 

Ўкирган арслон каби,

Баҳайбат дев мисоли,

Дунёни титратганди,

Озарбайжон аскари.

 

Ўз қонига бўғилур,

Энди у “афви эълон”

Янги муждалар олур,

Жаброил, Ағдам, Зангилон.

 

Туманлар олингунча,

Қонимиз тинмас, жўшар.

Кетма-кет байроқланур

Лочин, Шуша, Калбажар.

 

Энди етибди она,

Менга шаҳидлик они.

Қорабоғ тупроғига

Қоришгай Шаки қони.

 

Йиғлама, севин, она,

Оқизма кўз ёшингни.

Ахир ўзим кетдим-ку,

Қорабоғни олгани.

 

Руҳим энди кўкларда,

Тупроққа кетган тандир.

Сенинг-ла ғурурланган,

Бутун Озарбайжондир.

 

Мендан хавотир олма,

Жойим роҳат, куюнма.

Қорабоғда ёпиндим,

Кўтарган байроғимга.

 

14.12.2020

Гиа Пачхаташвили рафиқаси билан

AYSEL XANLAR QIZI SƏFƏRLİ

 

AYSEL SAFARLI XONLARQIZI

Hayotim ham telbanamo,

Vujudimga tor kelaman.

Umr xatin qayta yozib

Hayotingga sir kelaman.

 

Pirim bo'lsang duo bo'lib,

Bir nafaslik havo bo'lib,

Ishq tomonga borar yo'lim,

Tur o'ringdan, tur, kelaman.

 

Qarmog'ini suygan baliq,

Sendan qolgan yolg'iz qoldiq,

Holim qara xarobalik,

Dilda qasr qur, kelaman.

 

Taqdir ko'zlarimda parda,

Sog'inch sog'inilgan dardda,

Oy nurlarin kechalarda,

Sochlarimga sur, kelaman.

 

Ko'zlarimdan ishq terib ol,

Yuragimni tutqinga sol,

Bu kechada sevgimla qol,

Tushlarimga yur, kelaman.

QANDAYDIR

 

Osmoningda havo qanday

Osmonimda tinmas yomg'ir.

Tunday qora bu qalbimni,

G'uborlardan yuvmoq og'ir.

 

Maysalarchi bundan yashnar,

Yer taratar xush atrini.

Tabiat jim chiza boshlar,

Tomchilarning suratini.

 

Qorong'ulik ichra chaqmoq,

Darddan porlab nur soladi.

Bulutlar ham ishqdan g'amnok,

Oy yuziga yosh oladi.

 

Tunning sassiz ovozida,

Sog'inchimni suydim qancha.

Qo'llarimla surat chizdim,

Hayolingni telbalarcha.

 

Bir tomchiga do'nsa ruhim,

Yuzlaringni quchib kelsam.

Qanot bo'lsa huzuringga,

Uchib kelsam, uchib kelsam!

 

Kelarsan yomg'irlar ostida,

Ko'zimizdan yosh tinmaydi.

Sen tomonda qanday havo

Mening-chi ko'nglim yig'laydi!

 

IQROR

 

Seni qalbim qafasinda,

Ruhimga asta bog'layman.

Va bir yutum nafasimda,

Saqlayman!

 

Yurak to'la og'riq, zordir,

Hijron bilan armon yordir,

Sochlarimda dorlar bordir,

Taqmayman!

 

So'rab ishqim da'vosini,

Aylab ruhim duosini,

Ber o'limning havosini,

Xohlayman!

 

Sog'inch toshdi o'zanidan,

Sezmadingmi so'zlarimdan?

Kelib o'psang ko'zlarimdan,

Yig'layman!

 

Suvdan bezgan bir baliqni,

Qaytarma qo'y, xatoliqni,

Shaаqat emas ayriliqni,

Yoqlayman!

BIR BO'LAMIZ

Kel, qalbimda qol endi,

Men, sen, oxir biz bo'lsin.

Yerdan uchaylik birga,

Va manzil cheksiz bo'lsin!

Qasr qurib ishq bilan,

Falakka yetkazaman.

Hijron-u azoblarni,

Bittalab ketkazaman.

Kel, to'ldir dil uyimni,

Ruhing bilan ko'ch menga.

Yo'limizda armonlar,

Kelolmasin duch menga.

Ko'zimga ko'zgu bo'lib,

Zarra-zarra nur sochgin.

Nafasimdan nafas ol,

Va ishqimdan gul ochgin!

Baxtlarning xumoridan,

Ishva nozimga qorish.

Nigohim sog'inch to'la,

Kelgin, ko'zimga qorish!

Kel, birlash borlig'imga,

Ruhimga yorligingcha.

Va poyingga bosh qo'yay,

Vatan bo'l borligingcha!

Ozarbayjon tilidan Niyatullo tarjimasi.