ЖАНГГОҲ АРО
Қадим монийларнинг тасаввурида инсон эзгулик ва
ёвузликнинг жанг майдони ҳисобланар
экан. Бу майдон дўст ва душманнинг, оқ билан қоранинг, росту ёлғоннинг, ёруғлигу
зулматнинг, жисм ила жону, бор ила йўқнинг ҳам жанггоҳидир. Тасаввур қилинг,
атрофингиз тўла инсон ва ҳар бири бошдан оёқ шу икки қутбдан бирига маскан. У
масканларнинг қай бирида эзгулик ғолиб, қай бирларида ёвузлик ғалаба нашидасини
сурган. Қай бирларида ростнинг овозини ёлғон бўғиб ётибди. Қай бир маконда
душман дўстнинг терисида жавлон урган. Бошқасида эса қоралар оқман дея иддао
қилган. Қай бир манзилларда ёвузлик зулмат қўшинига қарши тонгни чорлаётир, жон
эса жисмнинг озоридан фарёду фиғонда... Бор ила йўқ эса бир "оҳ" ила "уҳ"ни
кутаётир...
М.Йўлдошев
