Бугун бир нарсага амин бўлдим, сабр Тангрининг суйган феъли, сукут унинг хуш овози ва сукунат унинг ҳад-ҳудудсиз салтанати экан. Ва яна бир нарса, айтилмаган сўзлар энг озод ва энг бахтиёр сўзлар экан. Улар тангривор жаранглайди, Яратганнинг салтанатида эмин-эркин ва масъуду мамнун яшашади.

***

Олам ва одам мукаммал мунтазамлик ичида мавжуд. Ҳар иккиси энг мукаммалнинг мустасно парчаларидир. Бири иккинчисининг моҳиятидан хабар беради. Япроқ дарахтдан дарак берганидек, тош тоғнинг маҳобатини эслатганидек, булутлар ёмғир хабарини келтирганидек... 

***

Бугун яна бир нарса ўргандим: хасталик - жуссанинг эркалиги ва эътиборталаблиги, хотиралар ва тажрибаларнинг жунбиши, бошқаларнинг таъкидлари ва ишончсизликларнинг талвасаси холос. Кўрмайсанми, руҳинг озод, ўйларинг эркин, орзу-умидларинг соппа-соғ.

M.Йўлдошев